Mii onow dibajimowinan awe anishinaabe gikendassowin dash ge niigaan gwayak
Kris Nahrgang izhi gikendasso gete anishinaabe bimaadiziwin. Sarain Fox odanookiidaan zhigo ge odamino/ozhibii’ige ikwewi. Mii go ezhi naanizhiiyaad aando gagwe gikendamowaad awe anishinaabe izhitaawin, mii go ge ezhi gagwe ganawendamowaad anishinaabe izhichigewinan miziwe anishinaabe akiing weweni gegoo ji-ani-izhiwebak.
Mii awe Future History Sarain Fox dash Kris Nahrgang
Gaa-gaagigidoowaad
Sarain Fox
Nimiwii Ikwe, gaagigido ikwe
Gaagigidoo ikwe
Kris Nahrgang
Mazinibii’igewinini, gaagigido inini
Gaagigidoo
Sarain Fox
Zhigo ge anishinaabe ikwewi, Sarain ogiichi inendaan anishinaabe bimaadiziwin omaa Toronto, mii dash igo ge izhi naagok. “Gii odaminowaan mii ezhi gagwe dibajimowinan. Zhigo gagwe giishkitoomaazod gegoo gaa-ininookiid,Sarain ogagwe wiisookawaa’ gaa-oshki bimaadiziyaad. Mii zhigo ani gaa giizhitood mii onow aazha gaa dazhikang “Sacheen Little Feather” “The Andy Warhol Interview Project”
Mii awaapii gaa waabanjigaated iwedi Vienna Film Festival June 2007 dash ge ARG ogii pagidinanaawaa omaa CBS TV mazinaatesijigewin “Jerico”. Dash apane gegoo gagwe izhichige ji wiisookaaged. Inashke mii awe bezhig ezhinikaadeg “Ashes” mii iwedi gaa dazhi waabanjigaateg Toronto Festival, mii ge gaa izhi kiishtood New York Film Academy’s odaminowiin.
Mii go ge izhi minowendang, Sarain ge mazinaakiziwin inenookii. Dash ge daa waabamigaazo PIE, Redskin dash ge Spirit mazina’iganan, zhigo ge ImagoZine, Butterfly Unltd. Mii ge NYC dash Grind Mazina’iganan. Sarain gii izhi mazinaakizigaazo Brandon R Dyyer of Project Runway.
Sarain maashkawe gaabawi: mii ge ezhi gikendasod zhigo ge naanimid mii aazha midwasswi biboon. Gii dazhi gikinoo’amawaa gwayak Canadian Children’s Dance Theatre, ezhinikaadeg Quinte Ballet Gikinoo’amaadi’iwigamig gwayak Alvin Ailey Bachelor of Fine Arts Program omaa New York City.
Mii ge iwedi gaa dazhi nimid The Canada Dance Festival 2008, The Barrie Jazz dash Blues Festival VII, awaapii 2002, 2007 dash 2012 Aboriginal Achievement Awards, miinawaa nizho niibing imaa Ajkun Ballet Theatre Company iwedi New York City. Mii ge omaa ezhi taagwiid Kahawaii Dance theatre, dash ge niising wiijitoo Banff Centre, mii gaa izhi anookiidaawaad Neil Iremia awe Black Grace dash Dezule of Dezule dance. Noongom Sarain dazhi anookii Untitled Collective: gwayak NYC iwedi onjimaagad Australia anishinaabe nimiwin. Mii dash apiidendaagozi aaniin igo ezhichiged.
Kris Nahrgang
Gaagigidoo Inini Kris zhigo ge nitaa mazinaabii’iged gakina gegoo aabajitood. Mii ge gaagiigidoo inini gwayakochigeyan anishinaabe akiing. Kris Nahrgang anishinaabeyii mii iwedi wenjiid Curve Lake. Mii dash noongom imaa endazhi gabeshiid jiige’ii Peterborough Mazinjiigaanan, mii go omaa apane eyaamaagakin inow Canada.
Mii go geyaabi ezhi mazinabii’iged Kris. Dash ge mii go minochiged i’iwe odizhichigewin miziwe omaa ganawaabanjigaadeni omazinabii’iganan. Apiichi apiidendaagodini gaa- izhichiged zhige ge omaa Macleans Mazina’iganing.
Dash ge nitaa paagizo, mii ge ogii kishkitoon gikinoo’amaage mazina’iganes anthropology iwedi gwayak Trent Gabe-gikendassowigamig, zhigo ge besho owiidaanookiimaa’ Parks Canada, jiige’ii Trent Severn.
Mr Nahrgang ogagwe gishkitoon ji-ozhijigaadeg gete anishinaabe aabajijiganan ge izhi ganawendaamowaad, ji-waabajitoowaad anishinaabeg. Mii ge omaa gaa-izhi tagwiid Mininstry inaakonigewinan. mii dash igo ge izhi wiisookawaad Archaeological Services Inc. Gegoo gaa-taazhikamowaad mii go ge i’iw Anishinaabe izhichigewinan iwedi gwayak giiwedinong Development Plan. Owiisookawaa’ ge anishinaabeg ji-kagwe ganawendaamowaad anishinaabe izhitaawinan.
Noome’ii Kris gii-onaabanjigaazo ji-taagwiid Canadian National Exhibition ji-waabande’iiwid odizhichigewin Unity Pole. Gii-waabande’iiwewag iwidi CNE 2017, mii dash gaa-izhi-apiidendaagozid. Gida maakam Kris odoozhijiganan miziwe tapishko Ann Murray, Bill Cosby,Justin Trudeau, Keech Rainwater, Nik Antropov (Atlanta Thrashers), Brian Skinner (Phoenix Suns).
Apii 2018 APTN daa mazinaatese Future History season 1, mii daa waabande’iiwewag anishinaabe bimaadiziwin, mii dash omaa ge izhi danawedood Kris mii owiisookawaan Sarain Fox.
Gaa-Wiisookaadadiiwaad: Brenda Lee, Maurice Switzer, Chief Lady Bird, Aura, Sierra Jamieson & Melanie Goodchild
Geyaabi mazinaatesijiganan: Gabriel Guppy, Ziigwen Mixemong
Kris wiisookaage awe inakonigewin gijipizon, mii owiijiwaan Brenda Lee dash ge Maurice Switzer iwedi North Bay. Sarain dibajimo aniin inake ge izhi wiikojidooweng ezhi gikendaamiing i’iwe mazina’bii’igewin, owiijiwaan Lady Bird omaa gwayak Toronto. Kris dash Sarain omegwashkowawaan PhD gaa wiikojidood Melanie Goodchild awe gagwe wiikojidood ge anishinaabe gikendassowin.
Kris owiijiwaan Brandon Oolayou, Inuk gaa-onjiid Frobisher Bay, Mii nooji’aawaad seal dash ge Nellie Kusagak gaa-niigaanskang Nunavut, mii dash ge dibajimo aaniin enaadizing omaa Nunavut. Sarain odizhaadaan gaa-nisidizowaad, mii awe wiisookaagod Adam Akpik omaa gaa-anookiid Embrace Life Council, mii enenookiiwaad gaa-kinoo’amaagewaad iniw. Kris dash Sarain ogagwe gikendaanaawaa noongom iniw gegoowan, mii awe ezhichiged Selena Mills omaa gwayak Barrie.
Gaa-Wiisookaadadiiwaad: Jeff Monague, John Payette, Rhiannon Monague, Lisa Nasson, Christina Murray & Mathew Nuqingaq
Geyaabi mazinaatesijiganan: Jacob Dayfox, Martha Kyak
Kris obabaa wiijiwaan Jeff Monague, mii gikinoo’amaawind aaniin inake ge izhi bimaadizid mii omaa Barrie Ontario. Mii Sarain babaa waabandang odaminowin onji mewezha gikinoo’amaadiwin, mii ge wiin gaa izhi wiisookaaged Xara Choral Theatre. Kris dash Sarain wiizhaamaawag iwedi gaa-anookiiwaad gaa-dazhi izhitoowaad biwaabiko mazinabii’iganan, mii awe Mathew Nuqinqaq debendang Aayuraa studio omaa gwayak Iqaluit.
Kris omegwashkowaan Alexandra Kahsenni io Nahwegahbow, Mii awe nitam gaa-bimitood gete gegoowan gaa-izhi ganawendaamowaad iwedi National Gallery of Canada iwedi Ottawa oodena. Sarain gaagigido radio mii ogaanoonigoon Waubgeshig Rice mii dash owiisookawaan ogindaamowaad “Moon of the Crusted Snow” iwedi Laurentian gabegikendaasowigamig. Kris dash Sarain mawidishiwewag Timikuluit Saipaaqivik, Mii awe nitam abinoojiwag ezhi ganawenimindaa, mii awe Celina Kalluk nigaanskang ji anishinaabemowaad.
Gaa-Wiisookaadadiiwaad: Chief Andrew Aguonie, Tasheena Sarazin, Jocelyn Bebamikawe & Christianna Jones
Geyaabi mazinaatesijiganan: April Pigalak, Archie Aipellee
Kris inaa’idoo Manitoulin minising, omaa gwayak minising, mii omaa mewezha gaa-dazhi bimaadiziwaad anishinaabeg. Sarain omawidisaa’anishinaabe nagamo dash nimi ikwe Tasheena Sarazin, mii awe gaagii maajitood weweni ji-izhiwebiziwaad ikwewag omaa dewe’iganing zhigo ge nimi’idiwigamig, dash ge odinawemaganiyaa’. Kris dash Sarain owaabandaanaawaa aaniin apiidendaagok miijim iwedi Enaadmaagehjik. Mii go omaa Wikwemikong minising.
Kris izhaa Ottawa oodena owaabamaad Elaine Kicknosway, mii awe gaa-niigaanskang zhigo ge ganoodaamowaad anishinaabeg gaagii pii-odaapinindaa. Sarain izhaa Ajax mii dash ge ezhi biindiged mii omaa waabamaad dibakone ikwen Dr. Pamela Palmater, mii enind “Warrior life” podcast. Kris dash Sarain izhaawag iwedi nopiming Nimkii Aazhibikong, mii omaa gabe’biboon endaanakomigiziyaad omaa gwayak Elliot zagi’iganing mii omaa gichi ayaa’aag zhigo ge gaa oshkaadiziyaad bii-izhaawaad gagwe ganawendaamowaad anishinaabemowin zhigo ge anishinaabe izhitaawin.
